Flýtilyklar
190 manns í heimsókn á 6 dögum!
Við gætum hafa óvart sett heimsmet í heimsóknum! Á síðustu 6 dögum hafa komið til okkar 190 manns í heimsókn! Geri aðrir betur.
Hóparnir skiptust í tvo 85 manna hópa og einn 20 manna. Allt var þetta fólk frá Volvo Trucks víðsvegar um Evrópu. Hóparnir fengu leiðsögn um húsið og kynningu á starfsemi þess.
Það hefur verið gríðarlegur áhugi á nýrri þjónustumiðstöð Veltis, og bera þessar heimsóknir þess merki, enda ein sú fullkomnasta í heiminum í dag.
Glæsilegt nýtt húsnæði Veltis er sérhannað fyrir þjónustu við Volvo atvinnubíla og atvinnutæki með það að markmiði að bjóða upp á framúrskarandi þjónustu við viðskiptavini og þægilega aðkomu. Í húsakynnunum er glæsilegasta og best tækjum búna verkstæði landsins ásamt fullkomnu vöruhúsi og bestu mögulegu vinnuaðstöðu fyrir starfsfólk. Staðsetningin að Hádegismóum 8 er frábær í útjaðri Reykjavíkur þar sem aðgengi frá stofnbrautum er mjög gott og nóg rými utandyra.
*
Við hlökkum til að taka á móti enn fleiri gestum á komandi árum!
