Flýtilyklar
Stuðningur til kaupa á rafmagnsvörubílum
Stuðningur við kaup rafmagnsvörubíla á Íslandi kemur á besta tíma nú þegar vörubílaframleiðandinn Volvo Trucks hefur hafið fjöldaframleiðslu þeirra og afhent yfir 5000 rafmagnsvörubíla á heimsvísu. Með innflutningi Veltis, Volvo atvinnutækjasviðs Brimborgar, á fyrstu rafmagnsvörubílunum til Íslands er hlutdeild rafmagnsvörubíla af heildarsölu vörubíla á Íslandi það sem af er ári sú mesta í heimi. Fyrstu rafmagnsvörubílarnir á Íslandi eru nú komnir í fulla notkun og fyrstu rauntölur sýna meira en 60% sparnað í orkukostnaði.
Fyrstu rauntölur á Íslandi sýna meira en 60% sparnað í orkukostnaði
Fyrstu Volvo rafmagnsvörubílarnir frá Velti eru komnir í notkun og farnir að flytja vörur og jarðefni til hagsbóta fyrir rekstraraðila og íslenska þjóð. Á nokkrum vikum á tímabilinu mars til maí hafa verið eknir við raunverulegar aðstæður með farmi ríflega 22.000 km á fyrstu bílunum, áætlaður sparnaður í olíunotkun er um 7.600 lítrar og um 32.000 kW stundir af íslenskri, endurnýjanlegri raforku, hafa verið notaðar í staðinn. Sparnaður í orkukostnaði við ofangreinda notkun er áætlaður meira en 60% sé að mestu hlaðið á starfstöð fyrirtækis og samdráttur í losun CO2 ígilda er yfir 20 tonn.
Umtalsverður stuðningur við kaup á rafmagnsvörubílum
Nú hefur Orkusjóður fyrir hönd Umhverfis-, orku- og loftslagsráðuneytisins auglýst stuðning til kaupa á þungaflutningabílum sem ganga að öllu leyti fyrir rafmagni. Þetta er mikilvægt skref til að styðja við þá sem vilja vera leiðtogar í orkuskiptum og stíga þannig fyrstu skrefin yfir í rafmagnsvörubíla. Leiðtogarnir leggja þannig sitt af mörkum til markmiða Íslands um samdrátt í losun koltvísýrings. Ávinningur rekstraraðila í lægri orkukostnaði er gríðarlega mikill og í betri nýtingu bílanna vegna styttri þjónustutíma og með því auk þessa góða stuðnings við kaupin tryggir arðsemi fjárfestingarinnar.
Umsóknarfrestur er til 11. júlí 2023 á vef Orkustofnunar. Sæktu um núna.
Áralöng reynsla Volvo Trucks í rafmagnsbílaframleiðslu
Volvo samsteypan hóf framleiðslu rafmagnsstrætisvagna á árinu 2017 og árið 2019 hófst framleiðsla á rafmagns vörubílum og rafmagns vinnuvélum. Þessi þróun og framleiðsla hefur byggt upp mikla reynslu, þekkingu og gæði innan samsteypunnar á þessari nýju tækni. Það leiddi til þess að árið 2022 hóf Volvo Trucks fjöldaframleiðslu á rafmagnsvörubílum, fyrstur alþjóðlegra vörubílaframleiðenda, og hefur nú selt yfir 5.000 rafmagnsvörubíla á heimsvísu og meðal annars er fjöldi rafmagnsvörubíla kominn til Íslands og byrjaðir að keyra á íslensku rafmagni.
Volvo Trucks býður nú alla sína vörubíla í rafmagnsútfærslu, sérstaklega hannaða fyrir þungaflutninga með ótrúlega lágan orkukostnað, þeir eru einstaklega hljóðlátir inni í farþegarými fyrir bílstjóra og hvað varðar hávaða í umhverfi, losa nánast engan koltvísýring og eru með leyfða heildarþyngd allt að 50 tonn.
Rafmagnsvörubílalínu Volvo má skoða nánar hér: Volvo FL 100% rafmagn, Volvo FE 100% rafmagn, Volvo FM 100% rafmagn, Volvo FMX 100% rafmagn og Volvo FH 100% rafmagn.
Sérfræðiþekking Veltis í rafmagns atvinnubílum og atvinnutækjum
Veltir og Brimborg hafa verið í fararbroddi bíla- og tækjaumboða í rafknúnum ökutækjum og lagt mikið í þjálfun og uppbyggingu búnaðar til þjónustu þeirra auk uppbyggingar á hleðsluinnviðum sem henta vörubílum sérstaklega. Það tryggir hátt þjónustustig og framúrskarandi nýtingartíma rafknúinna atvinnubíla.
Ávinningur af þungaflutningum á rafmagni er gríðarlegur
- Lægra og stöðugra orkuverð auðveldar reksturinn
- Orkuáfylling á starfstöð sparar tíma og fjármuni
- Betri orkunýtni vegna hagkvæmni rafmagnsmótora
- Betri nýting bílanna vegna
- Styttri þjónustutíma rafmagnsvörubíla
- Möglegrar notkunar í þéttbýli kvölds og morgna vegna minni mengunar og hávaða
- Engin mengunarhætta þar sem ekkert jarðefnaeldsneyti er notað né smurolía eða olíusíur
- Betra vinnuumhverfi fyrir bílstjóra vegna minni hávaða og titrings
- Minni koltvísýringslosun hjálpar Íslandi að standa við alþjóðlegar skuldbindingar Íslands og sjálfbærnimarkmið fyrirtækja
- Betri loftgæði vegna engrar NOx- og sótmengunar
- Orkusjálfstæði og orkuöryggi fyrir Íslendinga
- Meiri raforka verður til reiðu fyrir aðra geira atvinnulífsins
- Betri nýting á dreifikerfi því hleðsla mun mikið fara fram um nætur og helgar
- Styrkir hraðhleðslunet fyrir alla því fólks- og sendibílar geta notað sömu hleðslustöðvar og vörubílar
- Sterkari ímynd Íslands sem land endurnýjanlegrar orku, hreins lofts og ósnortnar náttúru
allt um Volvo rafmagnsvörubíla
Hafðu samband
Hafðu samband við söluráðgjafa okkar í síma 510 9100 eða sendu tölvupóst á salah8@veltir.is. Kíktu í kaffi hjá okkur að Hádegismóum 8 og skoðaðu nýja þjónustumiðstöð okkar.
