Flýtilyklar
Veltir fær heimsókn frá Borgarholtsskóla
Til okkar kom 25 manna hópur nema í bifvélavirkjun og bifreiðasmíði frá Borgarholtskóla í heimsókn. Hópurinn fékk leiðsögn um húsið og kynningu á starfsemi þess.
Glæsilegt nýtt húsnæði Veltis er sérhannað fyrir þjónustu við Volvo atvinnubíla og atvinnutæki með það að markmiði að bjóða upp á framúrskarandi þjónustu við viðskiptavini og þægilega aðkomu. Í húsakynnunum er glæsilegasta og best tækjum búna verkstæði landsins ásamt fullkomnu vöruhúsi og bestu mögulegu vinnuaðstöðu fyrir starfsfólk. Staðsetningin að Hádegismóum 8 er frábær í útjaðri Reykjavíkur þar sem aðgengi frá stofnbrautum er mjög gott og nóg rými utandyra.
Hópurinn var mjög áhugasamur og höfðu á orði að þetta væri stórglæsileg aðstaða. Það var einnig gaman að heyra að mikill áhugi er á náminu í Borgarholtsskóla og því framtíðin björt.
Við hlökkum til að taka á móti enn fleiri gestum á komandi árum!
